Kuri uyu wa Mbere kuwa 14 Ugushyingo 2022, mu Karere ka Ruhango, Umurenge wa Mbuye, Akagali ka Nyakarekare mu Mudugudu wa Jali, mu gace Ikigo nderabuzima cya Mbuye Kibarizwamo habereye Igikorwa Cyo Gutangiza Icyumweru Cy'ubuzima Bw'umubyeyi N'umwana ku rwego rw'Akarere. Iki gikorwa cyitabiriwe n'Abayobozi batandukanye baturutse ku rwego rw'Igihugu(RBC), ku rwego rw'Akarere, ku rwego rw'Ibitaro, urw'Umurenge ndetse n'Ibigo nderabuzima. Umushyitsi mukuru muri uyu muhango yari Nyakubahwa Umuyobozi w'Akarere wungirije Ushinzwe imibereho myiza y'Abaturage.

Insanganyamatsiko y'iki Cyumweru cy'Ubuzima bw'Umubyeyi n'Umwana igira iti: Nta mubyeyi ukwiye gupfa abyara. Igikorwa cyashojwe no gutangiza ku mugaragaro gutanga ikinini cya Vitamine A n'icy'inzoka, abana bahabwa n'ifunguro ririmo Ongera intungamubiri.

Vice  Mayor atangiza igikorwa aho yatangaga ikinini cya Vitamine A n'icy'Inzoka

Umuyobozi Mukuru w'Ibitaro by'Intara bya Ruhango atanga ikinini cya Vitamine A n'icy'Inzoka

Vice Mayor ageza ijambo kubari bitabiriye uwo muhango

Ijambo ry'Intumwa ya RBC